Голливуд жұлдызы Сильвестр Сталлоне әлеуметтік желіде спортзалдан түсірілген жаңа видеосын жариялап, жанкүйерлерін тағы да елең еткізді.
People басылымының жазуынша, Сталлоне спортзалдың өзіне «панахана» секілді екенін айтып, жас ұлғайған сайын жаттығу ауырлай түсетінін жасырмаған. Дегенмен ол дәл осы себептен тәртіп пен табандылықты күшейту қажет екенін жеткізеді: “Every year it gets harder and harder… that’s why you gotta push harder»”деген ой айтады.
Актердің жазбасына пікір білдіргендер оның формасына тәнті болып, “Рокки” мен “Рэмбоның” рухы әлі тірі екенін жарыса жазған. NY Post та оқырман реакциясын атап өтіп, Сталлоне көптеген адам үшін әлі күнге дейін спортқа шабыт беретін тұлға болып тұрғанын келтіреді.
Сильвестр Сталлоне спортты өмір бойы серік еткен актер ретінде танымал. Ол тек өз формасына мән беріп қоймай, спорт әлеміндегі үлкен оқиғаларды да бақылап жүреді. Мәселен, 2018 жылы Сталлоне қазақстандық чемпион Геннадий Головкинді қолдап, оны “ұлы файтер” деп атаған және Головкин — “Канело” реваншын күткенін жазған.