Ермұхаммед Мәулен: қырғыз көкпаршылары қысқы Азиадада бенди ойнап, қола алды
Белгілі журналист қызығы мен шыжығы жарасқан қысқы Азиада ойындары жайлы айтып, естелігімен бөліскен болатын.
ЖБ-Шоудың кезекті шығарылымы елімізді өткен қысқы Азиада ойындарына арналды. Белгілі журналист Ермұхаммед Мәулен қызығы мен шыжығы жарасқан ауқымды шара жайлы айтып, естелігімен бөлісті.
Әңгіме бендиден Қырғызстан құрамасы туралы болды.
"Қырғызстаннан срочно команда жасақтадық. Бүкіл Қырғызстаннан коньки тебе алатындардың бәрін жинадық қой. Бенди ойнайтын болдыңдар деп. Моңғолия енді кішігірім біледі екен. Өзіміз келеміз, өзіміз ойнаймыз депті. Қырғызстанның бендистерімен "Барахолкаға" бардық қой. Соларға размер-размерімен киім тіктірдік. Коньки әпердік. Қолдарына клюшка бердік. 1-2 көкпаршы-ау. Түрлері сондай ғой. Сөйтіп екі күннің ішінд Қырғызстанның бендиден ұлттық құрамасы болып шыға келді. Сөйтіп қысқы Азия ойындарында қола жүлде алды. Бірақ ешкімді жеңген жоқ", - деді Ермұхаммед Мәулен.