Норвегиядағы салық: шахматшы Магнус Карлсеннің тапқан нәпақасынан гөрі мемлекетке бергені көп
Шахматтан 16-шы әлем чемпионы норвегиялық Магнус Карлсен елдегі прогрессивті салық жүйесіндегі кемшіліктердің құрбандарының бірі.
Карлсен 2021 жылдың соңында шахматтан төртінші рет әлем чемпионы атағын қорғап, халықаралық гроссмейстерлерге қыруар қаржы әкелетін ойынның классикалық түрінен алшақтауға мәжбүр болды. Осының кесірінен скандинавиялық мемлекет пайдасы үшін салық түрінде қомақты сома берешек боп қалды.
Норвегияда ауқатты азаматтар үшін қабылданған салық салу жүйесінің өзіндік ерекшелігі бар. Осыған сәйкес, егер адам өз байлығынан көп табыс тапса, салық табыстан емес, декларацияланған мүліктен (байлық салығы деп аталады) есептеледі.
Бұл Карлсеннің әмиянына айтарлықтай әсер етті. 34 жастағы экс-әлем чемпионы 111 мың доллар табыс тапты, ал прогрессивті салық шкаласы бойынша 142 мың доллар төледі. Оның жалпы байлығы $9,2 миллионға бағаланады.