Рыбакина WTA Finals турнирінің алғашқы финалисі бола ма? Букмекерлер талдауы

Джессика Пегула (АҚШ) – Елена Рыбакина (Қазақстан)

7 қараша, 20:00 (Астана уақыты)

Жартылай финалдың алғашқы кездесуінде топтық кезеңде мүлде әртүрлі жолмен келген теннисшілер кездеседі. Егер Елена Рыбакина плей-оффқа мерзімінен бұрын шықса, Джессика Пегула өз жолдамасы үшін соңына дейін күресті. Olimpbet сарапшыларының пікірінше, бұл кездесуде де қазақстандық спортшы қиындықсыз жеңіске жетіп, алғашқы финалис атануы ықтимал.

Тұрақты Пегула

31 жастағы Пегула маусымдық финалға әлемдік рейтингте бесінші орында келді — бұл 26 жастағы Рыбакинадан бір саты жоғары. Ол топ-5 ішіндегі ең жарқын теннисші болмаса да, ең тұрақтыларының бірі саналады.

WTA Finals турнирінің басында Джессика өз отандасы Кори Гауффты (әлемнің №3 ракеткасы) жеңді — 6:3, 6:7 (4:7), 6:2. Бұл жеңіс оған топтан шығуға жақсы мүмкіндік берді. Бірақ келесі ойында Арина Соболенкоға қарсы сәл әлсіз ойнап, бір сетті ғана алды (4:6, 6:2, 3:6).

Топтық кезеңнің соңғы матчында Пегула италиялық Жасмин Паолиниді жеңді (6:2, 6:3). Ал Соболенко Гауффты жеңген соң (7:6 (7:5), 6:2), Пегула топта екінші орынды алып, В тобындағы жеңімпаз — Елена Рыбакинамен кездесетін болды.

Рыбакинаның қарқыны

Қазақстандық теннисші турнирдің басты фавориттерінің қатарында саналмағанымен, қазір оның финалға шығуына күмән аз. Рыбакина топтық кезеңді өте сенімді өткізді — үш матчта бар болғаны бір сет жоғалтты.

Алдымен Елена америкалық Аманда Анисимованы жеңді (6:3, 6:1). Кейін поляк Ига Швентекке қарсы керемет камбэк жасап, бірінші партияда 3:6 есебімен ұтылғаннан кейін келесі екі сетті 6:1, 6:0 есебімен ұтты.

Топтық кезеңнің соңғы матчы Ресей өкілі Екатерина Александроваға қарсы өтті. Бұл ойын турнир тағдырына әсер етпесе де, Рыбакина күшін үнемдемей, тағы да жеңіске жетті (6:4, 6:4).

Финалға қазақстандық жақын

Пегула оңай қарсылас емес. Ол тұрақтылығымен, допты ойынға қосуы мен қабылдауындағы сенімді ойынымен ерекшеленеді. Сондай-ақ хардта өзін жақсы сезінеді және ұзақ ұпайлар кезінде шыдамдылық танытады.

Olimpbet Arena мәліметінше, қос спортшының өзара кездесулерінде әзірге америкалық басым — 3:1. Бірақ Рыбакинаның әлеуеті мен таланты айтарлықтай жоғары.

Елена күшті соққыларымен, сабырлы ойынымен және жылдам ұпай алуымен ерекшеленеді. Қазір ол тоғыз ойын қатарынан жеңіп келе жатыр.

Olimpbet сарапшыларының пікірінше, бұл кездесуде Рыбакина айқын басымдық танытып, финалға 2:0 есебімен өтеді.

Арина Соболенко (Беларусь) – Аманда Анисимова (АҚШ)

7 қараша, 21:30

Бұл қарсыластар екі ай бұрын — US Open финалында кездескен. Ол кезде Соболенко Анисимованы екі сетте жеңді (6:3, 7:6 (7:3)). Olimpbet сарапшылары бұл жолы да жеңіс белоруссиялық теннисшіде деп санайды.

Соболенконың қиын жолы

27 жастағы Соболенко әлемнің бірінші ракеткасы және турнирдің басты фавориті болса да, топтық кезеңді оңай өткерген жоқ. Алғашқы ойында ол италиялық Паолиниді жеңді (6:3, 6:1), бірақ Пегула бір сет алып, күресті қиындатты (6:4, 2:6, 6:3). Кейін Кори Гауффқа қарсы да тартысты матч өткізді.

Барлық матчтардағы жеңістер Соболенкоға топтағы бірінші орынды сыйлады, бірақ соңғы екі кездесу айтарлықтай энергия талап етті.

Анисимованың артықшылығы

24 жастағы Анисимова, әлемнің төртінші ракеткасы, В тобында екінші орын алды. Бастапқы ойында Рыбакинадан айқын жеңілді (3:6, 1:6), бірақ кейін екі күрделі матчта жеңіске жетіп, жартылай финалға жолдама алды: Мэдиссон Кизге қарсы (4:6, 6:3, 6:2), Ига Швентекке қарсы (6:7 (3:7), 6:4, 6:2).

Анисимованың артықшылығы – ол бір күнге артық демалды. Ал Соболенко кешегі күні ғана ойнады. Сонымен қатар, өзара кездесулерде америкалық алда – 10 матчтың 6-ында жеңген.

Дегенмен Эр-Риядтағы турнирде Анисимова өз деңгейінен төмен ойнап жүр. Денсаулығында мәселесі болған Киздің өзі одан бір сет тартып алды.

Olimpbet сарапшылары бұл жартылай финалда Соболенконың айқын басымдықпен жеңетініне сенімді және матч 22 геймнен аспайды деп болжайды.