Еуропа лигасы финалының ремейкі және туриндік дерби

Англия. Премьер-лига. 11-тур. «Тоттенхэм Хотспур» – «Манчестер Юнайтед». 8 қараша, 17:30 (Астана уақыты)

АПЛ-дың 11-туры Лондонда өтетін қызық кездесумен басталады – «Тоттенхэм» мен «Манчестер Юнайтед» арасындағы матч. Olimpbet сарапшылары бұл ойында айқын фаворитті көрмейді, бірақ аздаған басымдықты «Қызыл сойқандарға» береді.

Дегенмен лондондық команда өз алаңында ойнайды. Соңғы үш кездесуде лондондықтар манкуниандықтарды өз алаңында үнемі жеңіп келген.

«Шпорлардың» тарихи басымдығы

«Шпорлар» төрт жылдан астам уақыт бойы МЮ-ге жеңілмей келеді. Осы аралықта қос команда жеті рет кездесіп, оның бесеуінде «Хотспур» жеңіске жеткен, ал екі матч тең аяқталған.

Сонымен қатар, «Тоттенхэм» ағымдағы турнир кестесінде сәл жоғары тұр. Екі ұжым да 17 ұпайдан жинаған. Томас Франктің командасы мен Рубен Аморимнің ұжымы арасындағы айырмашылық тек голдар айырмасында – 17:8 және 17:16.

Алдын ала болжам бойынша, алаң иелері кем дегенде қонақтардан кем түспейді. Оның үстіне соңғы өзара кездесуде «Хотспур» Еуропа лигасының трофейін жеңіп алғанын ескерсек, «Қызыл сойқандардың» «Шпорларға» қарсы белгілі бір қиындығын айтуға болады.

Шаршау факторы және кадрлық мәселелер

Маусым барысына көз жүгіртсек, «Юнайтедтің» артықшылығы бар екенін көреміз. Соңғы төрт турда «Тоттенхэм» жеңіс пен жеңілісті алмастырып отырды.

«МЮ» сол аралықта 10 ұпай жинады: үш жеңіс және бір тең нәтиже. Олардың жеңіс сериясы күтпеген жерден «Ноттингем Форестке» қарсы ойында тоқтады.

Манкуниандықтардың артықшылығы – сергектік. Лондондық клуб апта ортасында Чемпиондар лигасында ойнады, ал олардың қарсыластары бұл маусымда еурокубоктарға қатыспайды. Бұған қоса, «Тоттенхэмнің» жарақат алған ойыншылары көп, сондықтан негізгі құрам ойыншыларына үлкен жүктеме түседі. Бұл – лондондық команда үшін айтарлықтай мәселе болуы мүмкін.

Гол көп болады

АПЛ-дың 10 турынан кейін «Манчестер Юнайтед» – Премьер-лигадағы ең нәтижелі командалардың бірі. Олардың қатысуымен өткен ойындарда барлығы 33 гол соғылған – бұл лигадағы ең жоғары көрсеткіш.

Olimpbet сарапшыларының пікірінше, бұл жолы да «Шпорлар» мен «Қызыл сойқандар» шабуылға басымдық беріп, жанкүйерлерді голдарға толы ойынмен қуантады.

Мамандар екі команда да гол соғады деп санайды. Ең ықтимал гол авторы ретінде манкуниандықтардың камерундық шабуылшысы Брайан Мбемоны атайды – ол Англия чемпионатында төрт рет нәтижелі соққы жасаған.

Италия. Серия А. 11-тур. «Ювентус» – «Торино». 8 қараша, 22:00

Италияда сенбілік кешке туриндік дерби көрік береді. «Ювентус» пен «Торино» алғаш рет 1907 жылы кездескен, ал енді олар өзара 214-ші матчына дайындалып отыр.

Olimpbet сарапшылары бұл кездесудің айқын фавориті ретінде «Кәрі синьораны» атайды. «Қара-ақтардың» жеңу ықтималдығы «гранаттылардан» төрт жарым есе жоғары деп бағаланады.

«Ювентустың» дәстүрлі басымдығы

«Бьянконерилерге» деген сенімнің мұншалықты жоғары болуы кездейсоқ емес. «Ювентус» бұл бәсекеде ондаған жылдар бойы үстемдік етіп келеді. Соңғы 30 маусымда «Торино» көршілерін небәрі екі рет жеңген.

Қазіргі А Сериясы кестесінде де «Ювентус» басым — 18 ұпай, ал «Ториноның» еншісінде – 13. «Кәрі синьора» кестеде қарсыласынан жеті саты жоғары орналасқан.

Жеңіліссіз серия және бапкердің ауысуы

Алайда дерби иелеріне назар аударуға тұрарлық факт: А Сериясында «Торино» соңғы бес турда жеңілген жоқ – екі жеңіс және үш тең ойын. Ал «Юве» сол аралықта екі рет ұтылып, кейін бас бапкер Игор Тудорды қызметінен босатты.

Жаңа жаттықтырушы Лучано Спаллетти басқарған алғашқы матчтарда «бьянконерилер» әупірімдеп «Кремонезені» жеңді (2:1) және «Спортингпен» тең түсті (1:1).

Қорғаныстағы әлсіздік және сақ ойын күтіледі

2025/26 маусымында екі туриндік команданың да қорғанысында қиындықтар бар. Әсіресе бұл «Ториноға» қатысты. Он турда олар өз қақпасына 16 гол жіберді – бұл чемпионаттағы ең нашар көрсеткіштердің бірі («Верона» және «Фиорентинамен» қатар).

Бірақ «Юве» де мінсіз емес – он гол өткізіп алған.

Olimpbet сарапшылары алдағы дербиде екі команда да өте сақ ойнайды деп болжайды, ал «Альянц» аренасындағы матчта гол аз болуы мүмкін.

Сарапшылар бірауыздан «Кәрі синьораның» гол соғатынына, бірақ «Ториноның» нәтижелі соққы жасай алмайтынына сенеді.