$10 000: Қазақстандық әйелдер киберспорт лигасы CS2 турнирі жүлде қорын 2 есе арттырды
Жақын арада медиа-турнир өтеді.
Халықаралық Female Pro League #1 турнирінің егжей-тегжейлері белгілі болды. Ұйымдастырушылар өткізу күндерін жариялап, жүлде қоры туралы ақпаратты жаңартты. Сондай-ақ FPL аясында белгілі киберспортшылар мен инфлюенсерлер қатысатын медиа-турнир өтетіні хабарланды.
CS2 бойынша FPL-дің алғашқы маусымы екі есе ұлғайтылған жүлде қорымен – $10 000 басталады. Тіркеу 1 қазанда ашылып, бүкіл әлемнен әйелдер командалары үшін 8 қазанға дейін (Астана уақыты бойынша 20:00, GMT+5) қолжетімді болады. Тіркеуден мына сілтеме арқылы өтуде болады.
Ашық іріктеу кезеңі 9–12 қазан аралығында өтеді. Орталық Азиядан қатысушылар үшін іріктеу күні – 11 қазан.
Негізгі кезең 18–30 қазан аралығында ұйымдастырылады. Оған әр іріктеуден 4 командадан, барлығы 16 команда шығады.
Үздік үш құрам Алматыда өтетін LAN-матчтар мен Female Pro League #1 гранд-финалына келеді. Финал 15 қарашаға белгіленген.
Толық ақпаратты @femaleproleague Telegram-каналынан, FPL-дің Instagram-парақшасынан және X әлеуметтік желісінен (ағылшын тілінде) білуге болады.
Female Pro League #1 жүлде қоры:
- 1-орын – $5 000
- 2-орын – $2 000
- 3-орын – $1 000
- 4–6 орын – $500
- 7–8 орын – $250
FPL-ді қолдау мақсатында медиа-турнир де жоспарланған. Оған медиа тұлғалар, танымал киберспортшылар және өтінім берген қыздар қатысады.
Female Pro League – Қазақстан мен Орталық Азиядағы алғашқы халықаралық әйелдер киберспорт лигасы. FPL – ойын тәжірибесін дамытқысы келетін, әлемдік рейтингке шығуды әрі жүлде ұтып алуды көздейтін қыздар үшін қауіпсіз әрі бәсекелі орта ретінде құрылуда.
Дереккөз: Olimpbet Arena