Самат Смақовтың ұлы Еуропаның топ-клубымен келісімшарт жасасты
Қазақстандық футбол аңызы Самат Смақовтың ұлы – 16 жастағы жартылай қорғаушы Аламгир Смақов Түркияның атақты клубы "Бешікташпен" ресми келісімшартқа қол қойды.
Аламгир – “Қайрат” академиясының тәрбиеленушісі. Ол қазақстандық футболдың болашағы ретінде қарастырылып, былтырдан бастап “Бешікташ” жүйесінде жаттығуларын жалғастырып келген. Түрік клубы оның әлеуетін жоғары бағалап, келісімшарт ұсынған.
Алайда ФИФА ережесіне сәйкес, 18 жасқа толмаған футболшылар шетелдік клубтарда ресми ойындарға қатыса алмайды. Сондықтан Аламгир Қазақстанда қалып, әзірге QJ League және “Қайрат-Жастар” командасы сапында ойын көрсетуді жалғастырады.
Аламгир Смақов қазірг Қазақстанның 17 жасқа дейінгі құрамасында ойнап жүр. Ол ұлттық деңгейде 13 матч өткізіп, техникалық дайындығы мен лидерлік қабілетімен ерекшеленіп келеді.
Айта кетейік, Аламгирдің әкесі — Самат Смақов, Қазақстан құрамасының бұрынғы капитаны. Қазір ол Талдықорғандық “Жетісу” клубының бас бапкері қызметін атқарады.