Футбол жұлдыздары заңсыз бәс тігулерге қатысы бар деген күдікке ілінді
Италия футболы тағы да даудың ортасында. Белгілі ойыншылардың заңсыз онлайн-бәс тігу және құмар ойындарға қатысуы бойынша шулы тергеу жұмыстары жалғасып жатыр.
Тергеу аясында 12 Серия A ойыншысы күдікке ілінді
Италиялық құқық қорғау органдары 2021–2023 жылдар аралығында танымал футболшылардың рұқсат етілмеген интернет-платформалар арқылы спорттық оқиғаларға бәс тіккенін, онлайн покер мен казиноға қатысқанын анықтаған.
Тергеуге түрткі болған негізгі дәлел — ойыншылардың ұялы телефондарының деректері. Сол ақпарат арқылы тергеушілер спортшылардың жалған жолмен сағат сатып алу арқылы букмекерлік қарыздарын жапқанын анықтаған. Бұл сауда Миландағы элиталы дүкен арқылы жүргізілгені белгілі болды.
Іс фигуранттары: Тонали, Фаджоли және тағы басқа танымал есімдер
Бұған дейін аты аталған Сандро Тонали мен Николо Фаджоли сияқты ойыншылар заңсыз букмекерлік кеңселердің жарнамасына қатысқаны үшін тергеуге тартылған.
Енді күдіктілер қатарына мыналар да қосылды:
- Уэстон МакКенни ("Ювентус")
- Маттиа Перин ("Ювентус")
- Анхель Ди Мария ("Бенфика")
- Леандро Паредес ("Рома")
- Алессандро Флоренци ("Милан")
- Николо Дзаньоло ("Галатасарай")
Сонымен қатар, аты-жөні әлі жарияланбаған бірнеше футболшының да осы іске қатысы бар деп болжануда.
Құмар ойын — спортқа да, заңға да қайшы
Айта кетейік, кей ойыншылар тікелей спорттық бәс тігуге қатыспаса да, Италия заңнамасы бойынша тыйым салынған онлайн-құмар ойындарға қатысқаны үшін әкімшілік жазаға тартылады. Мұндай заңбұзушылықтар үшін ең жоғарғы айыппұл — 20 000 еуроға дейін.