Роналду — Бензема дуэлі камбэкпен аяқталды (ВИДЕО)
Сауд Арабиясы чемпионатының 30-турында "Әл-Наср" өз алаңында "Әл-Иттихадпен" алғашқы таймда екі гол басымдықпен алда келе жатып, ақыры жеңіліп қалды.
Алғашқы тайм — Роналду командасы үшін тамаша бастама
Кездесу басынан "Әл-Наср" жылдам голмен есеп ашты. 3-минутта Садио Мане мергендігімен көзге түссе, 37-де Айман Яхья есепті 2:0-ге жеткізді. Криштиану Роналду толық ойын бойы алаңда жүріп, белсенді әрекеттер көрсетті. Бірақ нәтижелі әрекетпен көзге түсе алмады.
Екінші тайм — Бензема бастаған камбэк
"Реалдағы" бұрынғы серіктесі Карим Бензема екінші таймды қарқынды бастап, 49-минутта есепті қысқартты. Араға үш минут салып, Н'Голо Канте таразы басын теңестірді. Ал 90+4 минутта Уссем Ауар жеңіс добын соғып, "Әл-Иттихадқа" маңызды үш ұпай сыйлады.
Турнирлік жағдай: "Әл-Наср" үздік үштіктен шығып қалды
Бұл жеңілістен кейін "Әл-Наср" чемпионат кестесінде 60 ұпаймен төртінші орынға түсіп қалды. "Әл-Иттихад" 71 ұпаймен көш бастап тұр. Екінші орында – 65 ұпаймен "Әл-Хилаль" (61 ұпай). Маусымның аяқталуына небәрі төрт тур қалды, ал алтын жүлде үшін тартыс енді шарықтау шегіне жетті.