Артём Дзюба «Қайратқа» келмейді!
Оның орнына ресейлік шабуылшы қазіргі командасы — «Акронмен» келісімшартты ұзартты.
Ресейлік танымал шабуылшы Артём Дзюба «Қайрат» клубына ауысу мүмкіндігін кері қайтарып, қазіргі командасы — тольяттилік «Акронмен» келісімшартын тағы бір жылға ұзартты. Бұл ақпарат клубтың ресми Telegram-арнасында жарияланды.
Дзюба “Акронда” қалуды жөн көрді
36 жастағы тәжірибелі футболшы 2024/25 маусымында Ресей Премьер-лигасы мен Ресей кубогында 24 матч өткізіп, 10 гол соқты. Наурыз айында «Крылья Советов» командасына қарсы кездесуде кәсіби мансабындағы тарихи голын соғып, ресейлік футбол тарихындағы ең үздік бомбардир атанды.
“Қайрат” оны қатарына қосқысы келді
Көктемде БАҚ беттерінде Артём Дзюбаның «Қайратқа» ауысуы мүмкін деген ақпараттар тараған болатын. Бұл мәліметті алматылық клубтың иесі Қайрат Боранбаев та растаған еді. Оның айтуынша, «Қайрат» шабуылшыны трансферлік тізімге енгізіп, келіссөздер жүргізуге ниет білдірген.
Алайда Дзюба Ресейде қалуды жөн көріп, «Акрондағы» мансабын жалғастыруды жөн көрген.