Бәрі соңғы минутта өзгерді! "Челси" клубтық әлем чемпионатында сенсация жасады (ВИДЕО)
АҚШ-та өтіп жатқан клубтық әлем чемпионатының 1/8 финалында "Челси" Лиссабонның "Бенфикасын" қосымша уақытта ойсырата жеңіп, жанкүйерлерге ұмытылмас драма сыйлады.
"Челсидің" овертаймдағы үстемдігі
Ойын Солтүстік Каролинадағы "Банк оф Америка" стадионында өтті. Қарсыластар негізгі уақытта тең ойнады. Бірақ нағыз оқиға овертаймда басталды. Ойын нәтижесі — 4:1.
Негізгі уақыттағы голдар:
- 64-минутта Рис Джеймс айып соққысынан есеп ашты.
- 90+5-минутта Анхель Ди Мария пенальтиден гол соғып, "Бенфика" есепті теңестірді.
Овертаймда "Челси" үш бірдей голмен жауап қайтарды:
- Кристофер Нкунку,
- Педру Нету,
- Кирман Дьюсбери-Холл — барлығы да мергендік танытып, командасын келесі кезеңге алып шықты.
"Бенфика" 92-минуттан бастап аз құраммен ойнады — Джанлука Престианни қызыл қағаз алды.
Ауа райы мен эмоциялар
Матч 87-минутта ауа райының құбылуына байланысты уақытша тоқтатылды. Алайда бұл драма мен шабытты тоқтата алмады.
1/4 финалда Энцо Мареска баптайтын "Челси" бразилиялық "Палмейраспен" кездеседі. Латын америкалық команда бұған дейін 1/8 финалда "Ботафогоны" (1:0) жеңіп шыққан болатын.