Қазақстандықтар УЕФА Еуропа лигасында төрелік етеді
29.06.2025, 16:00
Данияр Сахи бастаған қазақстандық төрешілер "Сабах" – "Целе" матчын басқарады. Ойын 10 шілдеде Бакуде өтеді.
life.ru
Еуропадағы отандық төрешілер
Қазақстандық төрешілер құрамы УЕФА Еуропа лигасының алғашқы іріктеу кезеңіндегі маңызды матчқа қызмет көрсетуге шақырылды.
10 шілдеде Баку қаласындағы “Банк Республика Аренада” өтетін “Сабах” (Әзербайжан) – “Целе” (Словения) ойынында төрелік ететін бригаданың құрамы мынадай:
- Бас төреші: Данияр Сахи
- Қапталдағы көмекшілер: Сергей Калачев пен Самат Тергеуссізов
- Төртінші төреші: Сәкен Байымбет
- VAR жүйесіне жауапты: Бастиан Дешепи (Франция)
Маңызды халықаралық тәжірибе
Бұл тағайындау — Қазақстан төрешілерінің УЕФА сеніміне ие болып келе жатқанын дәлелдейді. Іріктеу кезеңіндегі ойындар Еуропа аренасында тәжірибе жинақтауға таптырмас мүмкіндік.
Ойын 10 шілде күні, Астана уақыты бойынша сағат 21:00-де басталады.