Келесі КӘЧ қайда өтеді? Дода қыста ұйымдастырылады деген болжам бар

2025 жылғы клубтар арасындағы әлем чемпионаты жаңа форматта алғаш рет өтіп жатыр. Енді бұл турнир жыл сайын емес, төрт жылда бір ұйымдастырылады. Яғни келесі жарыс 2029 жылы өтеді. Қазіргі таңда аталған турнирді төрт мемлекет қабылдауға ниет білдіріп отыр.

Формат жаңарды — күнтізбе де өзгерді

Бұған дейін жарысқа алты команда қатысса, енді бірден 32 клуб бақ сынап жатыр. Бұл ұлттық құрамалар арасындағы әлем чемпионатына ұқсас формат.

Қай ел қабылдайды?

The Guardian басылымының мәліметінше, төрт мемлекет — Бразилия, Испания, Қатар және Марокко 2029 жылғы турнирді өткізуге кандидат ретінде қарастырылып отыр.

• Егер Катар таңдалса, жарысты қыс мезгіліне ауыстыру ықтималдығы жоғары. Бұл 2022 жылғы әлем чемпионатындағыдай — елдегі аптап ыстыққа байланысты ұйымдастырылмақ.
• Марокко мен Испания болса, 2030 жылы ұлттық құрамалар арасындағы әлем чемпионатын бірлесіп қабылдайды, сондықтан олар да ірі инфрақұрылымға дайын.