Месси жаңа клубпен келіссөз жүргізіп жатыр
Сауд Арабиясының беделді "Әл-Ахли" клубы Лионель Мессимен келісімшарт жасасуды жоспарлап отыр.
Аргентиналық аңыз ойыншы "Әл-Ахли" клубының басты трансфер нысанасына айналды
Мессидің "Интер Майамимен” қазіргі келісімі 2025 жылдың 31 желтоқсанына дейін жарамды. Саудиялық тарап трансфер терезесі ашылғаннан кейін жұлдыз ойыншыны өз қатарына қосуды көздеп отыр.
L'Équipe басылымының мәліметінше, “Әл-Ахли” клубының басшылығы бірнеше аптадан бері Мессиді келісімге көндіруге тырысып келеді. Қаржылық егжей-тегжейі жария етілмегенімен 2034 жылғы футболдан әлем чемпионатын қабылдауға дайындалып жатқан Сауд Арабиясы бұл трансферді имидждік қадам ретінде қарастырады.
Мессидің мансап жолы
- “Барселона” — Ла Масия түлегі, клубтың аңызына айналды
- ПСЖ — Франциядағы екі маусым
- “Интер Майами” — қазіргі клубы, келісімшарт 2025 жылдың соңына дейін
- “Ньюэллс Олд Бойз” — Мессидің алғашқы клубы, Аргентинадағы балалық шағы өткен академия
Саудиялық лигаға тағы бір жұлдыз келе ме?
Сауд Арабиясы соңғы жылдары әлем футболының жұлдыздарын белсенді түрде өз чемпионатына тартуда. Криштиану Роналду, Карим Бензема, Нголо Канте сынды футболшылар сол жақта ойнап жүр. Енді кезек Мессиге келіп тұр ма?