Криштиану Роналду "Әл-Насрдың" жаңа бас бапкерін құттықтады

Жорже Жезуш бір маусымға келісімшартқа отырды

14 шілде күні "Әл-Наср" ресми түрде португалиялық маман Жорже Жезуштың бас бапкер қызметіне келгенін жария етті. Келісімшарт мерзімі — бір маусым.

Криштиану Роналду әлеуметтік желідегі парақшасында:

"Қош келдіңіз, мырза Жорже Жезуш!" — деп жазды.

Жорже Жезуш кім?

70 жастағы тәжірибелі бапкер өз карьерасында Португалияның "Бенфика", Бразилияның "Фламенго", Түркияның "Фенербахче"секілді атақты клубтарын басқарған.

Жезуш Сауд Арабиясына да жат емес. Ол 2018–2019 және 2023–2025 жылдар аралығында "Әл-Хилал" клубының тізгінін ұстаған. Осы уақыт аралығында:

• Сауд Арабия чемпионатын жеңіп алды;
• Ел Кубогын еншіледі;
• Үш мәрте Суперкубокқа қол жеткізді.