ЦСКА Аббосбек Файзуллаевтың трансферіне келісім берді
Өзбекстан құрамасының жартылай қорғаушысы Аббосбек Файзуллаев жақын арада Түркия чемпионатына ауысуы мүмкін. "Башакшехир" футболшысы үшін 7,5 миллион еуро төлеуге дайын.
Түркиялық клуб бір реттік төлем жасауға келісіп отыр
“Первый спорт” Telegram-арнасы хабарлағандай, Файзуллаевтың түркиялық “Истанбул Башакшехир” клубына ауысуы аяқталуға жақын.
“Файзуллаев ЦСКА-дан “Башакшехирге” 7,5 миллион еуро + бонустармен сатылуға жақын. Түркиялық клуб ресейлік армиялық командамен белсенді келіссөздер жүргізіп жатыр және төлемді бір реттік аударыммен жасауға дайын”, – делінген хабарламада.
ЦСКА жарты миллионға алған ойыншы бірнеше есе қымбатқа кетпек
ЦСКА бұл футболшыны бар болғаны 0,5 миллион еуроға сатып алған еді. Оның келісімшарты келесі жазда аяқталады. Сондықтан мәскеулік клуб ойыншыдан қомақты табыс табуға ниетті. Өткен маусымда Аббосбек 39 матчқа қатысып, 3 гол және 8 нәтижелі паспен көзге түскен.
Айта кетейік, бұған дейін Өзбекстан ұлттық құрамасының капитаны Эльдор Шомуродов та Түркияға ауысқан болатын. Ол “Ромадан” “Башакшехирге” маусым соңына дейін жалға берілген.