Ағылшын футболының аңызы ес-түссіз күйде табылды
Пол Гаскойн есінен танып, жедел түрде ауруханаға жеткізілді. Қазір ол реанимацияда жатыр.
Гаскойнді өз үйінен ессіз күйде тапқан
58 жастағы бұрынғы жартылай қорғаушы, “Тоттенхэм” және “Ньюкасл” клубтарында ойнаған Пол Гаскойн Англияның Пул қаласындағы жеке үйінде ұйықтап жатқан бөлмесінде ессіз күйде табылған.
Оны алғаш болып үй шаруасына көмектесіп жүрген ескі досы Стив Фостер көрген. Ол бірден жедел жәрдем шақырып, футболшыны ауруханаға жеткізуге жәрдемдескен.
Қазіргі жағдайы қандай?
Mirror басылымының мәліметіне сәйкес, Пол Гаскойн дереу жансақтау бөліміне жеткізілген. Дегенмен дәрігерлер оның жағдайы тұрақты, әрі сауығуға бет алғанын мәлімдеді.
“Гаскойннің жағдайы бақылауда. Ол бірнеше күн ауруханада жатып, содан кейін үйіне оралады деп күтілуде”, – делінген ресми ақпаратта.
Пол Гаскойн кім?
Пол Гаскойн – ағылшын футболының нағыз символдарының бірі:
- 1990 жылғы әлем чемпионаты мен Еуро-1996-ның үздік құрамына енген
- Ағылшын футболының Даңқ залында есімі жазулы
- Шотландия чемпионатының екі дүркін чемпионы
- Англия кубогы мен Шотландия убогының иегері