"Астана" мен "Ақтөбенің" Конференция лигасының үшінші іріктеу кезеңіндегі ықтимал қарсыластары белгілі болды. Екі команда да екінші кезеңнен сүрінбей өтсе, оларды Еуропаның мықты клубтары күтіп тұр.
Елордалық команда 25 шілде күні екінші іріктеу кезеңінде молдовалық "Зимбру" клубымен кездеседі. Егер "Астана" бұл кезеңнен сәтті өтсе, келесі айналымда "Вардар" (Солтүстік Македония) мен "Лозанна" (Швейцария) арасындағы матч жеңімпазымен жолығады.
"Ақтөбе" өз кезегінде чехиялық "Спартамен" шеберлік байқасады. Егер ақтөбеліктер сыннан мүдірмей өтсе, үшінші кезеңде армениялық "Арарат-Армения" мен румыниялық "Университатя" арасындағы жеңімпазбен ойнайды.