Өзбекстандық жұлдыз Түркияға ауыса алмады

Медтексеруден өте алмады ма?

Футбол агенті Алексей Сафоновтың айтуынша, түркиялық клуб пен ойыншы арасындағы келісім медициналық тексерістен кейін бұзылуы ықтимал.

“Аббос үшін “Истанбул” жақсы нұсқа болар еді. Бірақ менің таныстарымнан естігенім — ол медтексеруден өте алмаған. Егер бұл расталса, трансфер болмайды. Жалпы, ол маған футболшы ретінде ұнайды — ақылды ойыншы. Оның стиліне Испания чемпионаты да жарасып тұр. ЦСКА үшін де жақсы ойыншы болған. Кейбір матчтарда команданы алып шықты. Ең бастысы — ол әлем чемпионатына қатысады”, – деді Сафонов.

Аббос Файзуллаевтың маусымдық көрсеткіштері

2024/25 жылғы маусымда:

• РПЛ-де 27 матч
• 2 гол
• 4 нәтижелі пас
• Фонбет Ресей кубогының иегері

Қазір Аббостың ЦСКА-мен келісімшарты 2026 жылдың жазына дейін жарамды.