Қазақстандық клуб еурокубоктағы жеңістің арқасында 129-орынға жайғасты.
2025/26 жылғы маусымда УЕФА Конференциялар лигасының екінші іріктеу кезеңінде “Астана” молдовалық “Зимбруды” жарыс жолынан шығарды. Алғашқы ойында астаналықтар өз алаңында 1:1 есебімен тең ойнаса, қарымта кездесуде қарсылас қақпасына жауапсыз екі гол соғып, айқын жеңіске жетті. Бұл жетістік клубтың жалпы УЕФА рейтингінде жоғарылауына себеп болды.
Осы жеңістің арқасында “Астана” Конференциялар лигасының үшінші іріктеу кезеңіне жолдама алды. Бұл кезеңде олар Швейцарияның “Лозанна” командасымен кездеседі.