Беларусьтік бапкер Вячеслав Левчук "Ақтөбе" футбол клубында өз жұмысын жалғастырады. Бұл туралы клубтың баспасөз қызметі хабарлады.
Клубтың ресми мәлімдемесінде былай делінген:
"Кеше әлеуметтік желілерде бас бапкер Вячеслав Левчуктың отставкаға өтініш бергені туралы ақпарат тарады. Бұл ақпаратты растай отырып, Вячеслав Дмитриевичтің өтініші клуб басшылығы тарапынан қабылданбағанын хабарлаймыз. Команда ұжымы бапкерге әлі де сенім білдіреді".
Клуб мәлімдегендей, қысқа үзілістен кейін "Ақтөбе" футболшылары Левчуктың басшылығымен жаттығуды қайта бастайды. Келесі матчта команда Семейде "Елімаймен" кездеседі.