«Қайрат» жанкүйерлері Анарбеков үшін клуб басшылығына наразы
«Қайрат» қақпашысы Темірлан Анарбеков ҚПЛ-дың 23-турында жақ сүйегін сындырып алды.
Жанкүйерлердің ашу-ызасы
Клубтың баспасөз қызметі Instagram парақшасында ойыншыға «жедел сауығып кетсін» деген тілек жазғаннан кейін пікірлер тасқыны басталды.
Көптеген жанкүйер мұндай жарақат кездейсоқ емес, «Ақтөбе» футболшыларының дөрекі ойынының салдары деп есептейді.
Әлеуметтік желідегі пікірлер
Жанкүйерлердің жазғандары:
Басқа жанкүйерлер «Қайрат» басшылығы Анарбековті Мадридтің «Реалына» қарсы маңызды матч алдында қорғауы керек еді деп сын айтты.
Сонымен қатар кейбір жанкүйерлер ойыншыны «көз тиді» деп топшыласа, басым бөлігі сауығып кетуін тіледі.
Клубтың ресми мәлімдемесі
Матчтан кейін «Қайраттың» бас бапкері Рафаэль Оразбахтин ойыншының жағдайына байланысты түсініктеме берді:
«Менің қолымдағы ақпарат бойынша Темірланның жақ сүйегіне зақым келген. Ол белгісіз мерзімге қатардан шығады. Жақын арада ол командаға Чемпиондар лигасы мен Қазақстан премьер-лигасында көмектесе алмайды», – деді ол.
Айта кетейік, бұған дейін алматылық клуб негізгі қақпашы Александр Заруцкийден айырылған болатын. Ол да маусым барысында жарақат алған еді.