Лионель Мессидің болашағы белгілі болды

Әлем футболының аңызы Лионель Месси «Интер Майамида» қалуы мүмкін.  Футбол нарығының сенімді дереккөзі саналатын Фабрицио Романоның мәліметінше, Мессидің қазіргі клубымен келісімшартты ұзарту мәселесі алға жылжып, нақты финалдық кезеңге өтті. Тараптар келісімшарттың қаржы бөлігін және мерзімін нақтылап жатыр.

«Келіссөздер алға жылжыған. Екі тарап та ынталы, Месси "Интер Майамиде" қалуға ниетті», — деп жазды Романо өзінің әлеуметтік желісінде.

Еске сала кетейік, Месси мен клуб иелерінің бірі Дэвид Бекхэм арасындағы қазіргі келісім 2025 жылдың 31 желтоқсанында аяқталады.

MLS-тегі статистика

2025 жылғы MLS маусымында Лионель Месси фантастикалық нәтижемен көзге түсті:

• 28 матч
• 29 гол
• 19 голдық пас
• Лиганың үздік сұрмергені

38 жастағы футболшы осылайша Америка лигасында да өзінен кейінгі буынға үлгі бола беретінін дәлелдеп келеді.

Мессидің мансабы

Аргентина жұлдызы кәсіби мансабын «Барселонадан» бастап, кейін «Пари Сен-Жерменге» ауысты, ал 2023 жылдан бері «Интер Майами» сапында өнер көрсетіп жүр.

2024 жылдың жазында Месси Аргентина құрамасымен бірге Америка кубогын екінші рет жеңіп, әлем тарихындағы ең титулды футболшы атанды – 46 трофей.

Лионель Мессидің барлық жүлделері

«Барселона» (34 трофей):

• Ла Лига – 10
• Копа дель Рей – 7
• Испания суперкубогы – 8
• Чемпиондар лигасы – 4
• УЕФА Суперкубогы – 3
• Клубтық әлем чемпионаты – 3

«Пари Сен-Жермен»:

• Лига 1 – 2
• Франция суперкубогы – 1

«Интер Майами»:

• Лигалар кубогы – 1
• MLS тұрақты маусымының чемпионы – 1

Аргентина құрамасы:

• Америка кубогы – 2
• Олимпиада – 1
• Финалиссима – 1
• Әлем чемпионы – 1
• Жастар арасындағы әлем чемпионаты – 1