"Қайраттың" басшысы күн райына байланысты Чемпиондар лигасындағы ойындарды алматылық ұжым Астанада өткізуі мүмкін екенін алға тартты.
«Қайрат» футбол клубының бақылау кеңесінің төрағасы Nursultan Qurman YouTube арнасына берген сұхбатында стадионды алмастыру бойынша сұраққа жауап берді.
«Чемпиондар лигасының жалпы кезеңіңде 9 желтоқсан күні «Олимпиакос» және 2026 жылы 20 қаңтар күні «Брюггені» өз алаңымызда қабылдаймыз. Осы орайда ауа-райы суық болуы мүмкін. Жанкүйерлерімізді ойлай келе, біз «Astana Arena» стадионымен сөйлесіп, келістік. 9 желтоқсан және 20 қаңтар күні ешқандай шара өтпейді екен. UEFA регламентіне сай матчқа бір ай қалғанға дейін қарсыласымызды ескертуге тиіспіз. Алайда барлығы ауа-райына тікелей қатысты болмақ. Егер ауа-райы жылы болса, ойынымызды Алматыда өткіземіз», - деді Қайрат Боранбаев.
Естеріңізге салсақ, әзірге үш ойын өткізген алматылық клуб Чемпиондар лигасында 33-ші орында орналасқан. "Қайрат" қоржынында 1 ғана ұпай бар.