U-17 жасөспірімдер құрамасы Еуро-2026 іріктеуінің екінші турында Нидерландыға 1:4 есебімен есе жіберді.
Ойын басталғаннан кейін Нидерланд командасы допты бақылауды өз қолына алып, ерте есеп ашты. 9-минутта Джешурун Симеон гол соқты. Ал 26-минутта Донни ван дер Лийке жақын қашықтықтан командасының артықшылығын еселеді. Үзіліске бір минут қалғанда Мухаммед Абделла пенальтиден есепті 3:0-ге жеткізді.
Екінші таймда Қазақстан құрамасы қарымта соққы жасауға талпынды. 56-минутта Дәулет Орынбасар пенальти орындауда мүлт кетпей, есеп айырмасын қысқартты — 3:1. Алайда матч соңына қарай жағдай қиындай түсті. Орынбасар екінші ескерту алып, алаңнан қуылды.
90+5-минутта артық ойыншының көмегімен Мухаммед Абделла дубль авторы атанды
Қазақстан, Нидерланд, Хорватия және Албания құрамалары 8-топта өнер көрсетуде. Барлық матч Хорватияда өтуде.
Еске сала кетейік, алғашқы турда Қазақстан U-17 құрамасы күтпеген сенсация жасап, Хорватияны 2:1 есебімен жеңген.