Қазақстандық маман Қайрат Нұрдәулетов Талдықорғанның «Жетісу» ФК бас бапкері болып тағайындалды.
Клубтың инстаграм парақшасында жарияланған мәлімдемеде:
«Қайрат Нұрдәулетов — „Жетісу“ футбол клубының бас бапкері! Тәжірибелі маман командаға қайта оралды. Алда — жаңа мақсаттар мен үлкен міндеттер», — делінген.
Айта кетейік, Қайрат Нұрдәулетов 2023–2024 жылдары да «Жетісудың» тізгінін ұстаған. Кейін ол «Ертісті» басқарды. Ал ҚПЛ-2025 маусымының ортасынан бастап Көкшетаудың «Оқжетпесіне» бас бапкер болып тағайындалған еді.
Өткен маусымда «Жетісу» Қазақстан Премьер-Лигасында Самат Смақовтың жетекшілігімен 21 ұпай жинап, турнир кестесінде 12-орынға тұрақтаған.