"Қайрат" — "Астана" матчының қашан өтетіні белгілі болды

Ел-классико қашан өтеді?

Маусымдағы алғашқы "Қайрат" – "Астана" ойыны 4 сәуірде Алматыда өтеді. Аталған кездесу ҚПЛ-2026 чемпионатының 4-турына жоспарланған.

"Маусымдағы алғашқы ел-классико 4 сәуірде Алматыда өтеді. Чемпион өз алаңында вице-чемпионды қабылдайды. „Қайрат“ – „Астана“, – деп жазды Елдар Аманбаев өзінің Telegram-арнасында.

Өткен маусымның қорытындысы

2025 жылғы Қазақстан Премьер-лигасының нәтижесі бойынша:

"Қайрат" – 59 ұпай жинап, ел чемпионы атанды;

"Астана" – 57 ұпаймен күміс жүлдеге ие болды.

Екі ұжым арасындағы тартыс маусым бойы жоғары деңгейде өтті, ал олардың жаңа маусымдағы алғашқы кездесуі де үлкен қызығушылық тудырып отыр.