Мохамед Салахтың жаңа клубтағы жалақысы белгілі болды
"Ливерпульдің" бұрынғы шабуылшысы Мохамед Салах мансабын Түркияда жалғастыруға жақын. Мәліметтерге сәйкес, мысырлық футболшы "Бешікташтағы" келісімшарт талаптарымен келіскен.
Шетелдік басылымдардың хабарлауынша, тараптар ауызша келісімге келген. Шабуылшы түрік клубына еркін агент ретінде қосылады. Келісім бойынша Салах жылына 10 миллион еуро жалақы алады, қосымша 2 миллион еуроға дейін бонус қарастырылған. Сондай-ақ келісімшарт бір жылға жасалып, тағы бір маусымға ұзарту мүмкіндігі енгізіледі.
“Ливерпульдегі” дәуір аяқталды
34 жастағы шабуылшы биыл жазда “Ливерпуль” клубымен тоғыз маусымнан кейін қоштасты. Осы уақыт ішінде ол ағылшын клубымен Чемпиондар лигасын, Англия Премьер-лигасын, УЕФА Суперкубогын жеңіп алды. Өткен маусымда Салах барлық турнирде 41 матчқа қатысып, 12 гол соғып, 10 нәтижелі пас берді.
Әлем чемпионатындағы нәтиже
Мохамед Салах әлем чемпионатында Египет құрамасының сапында ойнады. Команда 1/8 финалға дейін жетіп, Аргентинадан 2:3 есебімен жеңілді. Қазіргі таңда Transfermarkt порталы футболшының трансферлік құнын 22 миллион еуроға бағалайды.