Зинедин Зидан спорттық мансабында соққан үздік голын атады
Бұл туралы Madrid Xtra-ның Х әлеуметтік желісіндегі парақшасында хабарланды.
Мадридтік «Реалдың» бұрынғы бас бапкері Зинедин Зидан футболшы ретінде соққан ең үздік голын атады.
Мен соққан үздік гол дейсіздер ме?! «Байермен» болған матчта соққан голым мен үшін ең әдемі әрі маңыздысы саналады. Сол кезде Чемпиондар Лигасында жеңіске жету үшін бізге есеп ашу керек-тін, деп келтірді Зиданның сөзін Madrid Xtra.
Айта кетейік, Зинедин Зидан 2016-2018 және 2019-2021 жылдар аралығы «Реалды» жаттықтырды. Француз бапкері корольдік клубпен бірге екі рет Испания біріншілігін және Испания суперкубогын жеңді. Чемпиондар Лигасының 3 дүркін жеңімпазы.
Футболшы ретінде 3 рет жылдың үздік ойыншысы атанды. Мансабын 2006 жылғы Әлем чемпионатынан кейін аяқтады.