Ұлттар лигасы: Қазақстанның Австрия және Словенияға қарсы құрамы жарияланды

Бас бапкер Станислав Черчесов қазан айында өтетін УЕФА Ұлттар лигасы матчтарына шақырылған ойыншылардың соңғы тізімін жариялады. 

Құрамаға 28 футболшы шақырылған. Оқу-жаттығу жиыны 5-9 қазан күндері Австрияның Кремс қаласында өтеді.

Еске сала кетейік, қазан айында Қазақстан құрамасы УЕФА Ұлттар лигасы аясында екі матч өткізеді. 10 қазан күні Станислав Черчесов шәкірттері Австрия құрамасымен сырт алаңда кездеседі. Ойын Линц қаласындағы «Райффайзен Арена» стадионында өтеді. Матч Астана уақытымен 23:45-те басталады. 

Осыдан кейін ұлттық құрама Словения командасымен кездеседі. Ойын Алматы қаласындағы Орталық стадионда өтеді. Басталуы — 18:00.

Қазақстан құрамасының құрамы:

Қақпашылар: Игорь Шацкий («Ақтөбе»), Александр Заруцкий («Астана»), Стас Покатилов («Тобыл»), Бекхан Шайзада («Ордабасы»);

Қорғаушылар: Әлібек Қасым («Ақтөбе»), Нұралы Әліп («Зенит», Ресей), Александр Марочкин, Ян Вороговский, Марат Быстров (барлығы — «Астана»), Сұлтанбек Астанов («Ордабасы»), Роман Асранқұлов («Тобыл»), Лев Скворцов («Шинник», Ресей), Асхат Балтебеков («Жетісу»), Улар Жақсыбаев («Қызылжар»), Әділбек Жұмаханов («Атырау»);

Жартылай қорғаушылар: Асхат Тағыберген, Бауыржан Исламхан, Айбол Әбікен (барлығы — «Ордабасы»), Рамазан Оразов («Силькеборг», Дания), Максим Самородов («Ахмат», Ресей), Аслан Дарабаев («Елімай»), Бахтиер Зайнутдинов («Бешікташ», Түркия), Ислам Чесноков («Тобыл»), Андрей Ульшин («Қайрат»);

Шабуылшылар: Абат Айымбетов («Адана Демирспор», Түркия), Айбар Жақсылықов («Қайсар»), Жан-Али Пайруз («Елімай»), Артур Шушеначев («Сочи», Ресей).