Әлемде ең көп жалақы алатын бапкерлер белгілі болды

«Манчестер Ситидің» бас бапкері Пеп Гвардиола  әлемдегі ең көп жалақы алатын бапкер атанды. Бұған дейін бұл тізімде Сауд Арабиясы құрамасын жаттықтыратын Роберто Манчини көш бастап тұрды. 
Жылына шамамен 21,5 миллион фунт стерлинг алатын Манчини әлемдегі ең жоғары жалақы алатын менеджер еді, бірақ қазір оның орнын жылына 20 миллион фунт стерлинг алатын Гвардиола басты. 

Екінші орында «Арсеналдың» бас бапкері Микель Артета. Испан бапкері 15 миллион табыс табады.

Үздік үштікті «Атлетико Мадрид» командасының бас бапкері Диего Симеоне түйіндеді.  Аргентиналық маманның жалақысын жылына 16 миллион фунттан 13 миллион фунтқа дейін қысқартты.

Үздік бестікке «Реал Мадрид» командасының бапкері Карло Анчелотти мен Фенербахченің бас бапкері Жозе Моуриньо кірді.