Қаржының жоқтығынан «Ақжайық» клубы жабылуы мүмкін

«Жеңіс» клубының бас директоры Айдын Қожахмет «Ақжайықтың» жағдайы қазір мүшкіл екенін хабарлады. 

Бұл туралы ол өзінің telegram-дағы парақшасында жазды. Оның айтуынша, клуб жақын арада қаражат таппаса, толығымен жабылуы мүмкін.

«Ақжайық» футбол клубының жанкүйерлері үшін жағымсыз жаңалық. Егер клуб басқа қаржыландыру көзін таппаса, онда чемпионаттан шығарылып, жабылуы мүмкін. Себебі жергілікті биліктен қолдау көрсетілмейді. Бұл Оралда футбол болмайды деген сөз емес. БҚО әкімдігі алдағы жылы «Батыс» деп аталатын басқа заңды тұлғаны қаржыландыруды көздеп отыр. Бұл клуб келесі жылы жорығын Екінші лигадан бастайды деп күтілуде», - деді Қожахмет.