Конференция лигасы: «Астана» сырт алаңда «Пафостан» жеңілді

Бүгін «Астана» клубы Конференция лигасы жалпы кезеңінің 3-туры аясында сырт алаңда Кипрдің «Пафос» командасымен кездесті. 

Екі ұжым тартысты ойын өткізді. Дегенмен, футболшылар өз мүмкіндігін пайдалана алмай жатты.

Екінші таймда да ойын осылайша өрбіді. Кездесу тағдырын шешкен жалғыз голды кипрлік клубтан Андерсон Силва 87-минутта соғып кетті.

Осылайша «Астана» қарсыласына 0:1 есебімен жол берді.

Енді елордалық клуб 28 қараша күні Алматыда Португалияның «Витория Гимарайнш» командасын қабылдайды.

Айта кетейік, матчқа елордалық команда негізгі құрамын апарған жоқ. Олар Алматыда қалып, ел біріншілігінің соңғы турында «Жетісуге» қарсы ойынға дайындалуда.