Барменқұлов қызметінен кетер алдында бір облысты ҚФФ құрамынан шығармақ болған
ҚФФ бұрынғы президенті Абай облысының федерациясының мүшелігін тоқтату туралы қаулы шығарған.
Қазақстан футбол федерациясының бұрынғы президенті Әділет Барменқұлов қызметінен кетер алдында Абай облысының футбол федерациясын ҚФФ құрамынан шығарып тастамақ болған. Бұл туралы Kaztag.kz хабарлады.
Футбол менеджері Насима Қорғанбекованың айтуынша, Барменқұлов қызметінен кетер алдында Абай облысының федерациясының мүшелігін тоқтату туралы қаулы шығарған. Қорғанбекова бұл жағдайды спортқа үлкен үлес қосқан адамдарға қарсы қадам деп бағалап, бұл туралы өз Telegram-каналында жазды.
Қазіргі уақытта аймақтарға ҚФФ-ның бас хатшысы Андрей Дудиннің атынан хаттар таратылып жатыр. 19 қарашада жалпы жиналыс өткізіліп, алты негізгі мәселе талқыланатын болады, оның ішінде Абай облысының футбол федерациясын ҚФФ құрамынан шығару да бар екені хабарланды.