ҚФФ президенті лауазымына негізгі үміткер анықталды
Қазіргі уақытта Руслан Желдібай ҚР Президентінің ішкі саясат және коммуникация мәселелері бойынша көмекшісі.
«Серый CARDINAL» Telegram-арнасы Қазақстан футбол федерациясы (ҚФФ) президенті қызметіне басты кандидаттың есімін жариялады.
"Кейбір дереккөздердің ақпаратына сәйкес, ол — Руслан Желдібай. Ресми өмірбаянына қарағанда, ол Жамбыл облысының тумасы. Т.Рысқұлов атындағы ҚазЭУ-ды және Ұлыбританиядағы Уорик университетінің магистратурасын тәмамдаған.
Еңбек жолын "Қазақстан" телеарнасында бастаған. Кейін ҚР Ақпарат министрлігінде, ҚР Премьер-Министрі Кеңсесінде және ҚР Президенті Әкімшілігінде түрлі лауазымдарда қызмет атқарды. Қазіргі уақытта Руслан Желдібай ҚР Президентінің ішкі саясат және коммуникация мәселелері бойынша көмекшісі" - деп жазды аталған телеграм-арна.
Айта кетейік, ҚФФ-ның жаңа президентін сайлау 2024 жылдың 20 желтоқсанында өтеді.