Гвардиола «Ситиге» қатысты шешім қабылдады

«Манчестер Ситидің» бас бапкері Хосеп Гвардиола клубпен арадағы келісімшартын тағы бір жылға ұзартты. Енді оның мерзімі 2026 жылдың жазында аяқталады.  

Бұған дейін Гвардиоланың «Ситидегі» тағдырына қатысты түрлі алып-қашпа әңгімелер тараған еді. Оған бір жағынан клубтың қаржылық фэйр-плэй ережесін бұзуымен байланысты іс өз әсерін тигізді.   

Десе де, осы халықаралық үзілісте 53 жастағы каталондық бұл мәселеге нүкте қойды. «Ситиді» келесі маусымда да жаттықтыратын болды. Бұл туралы The Athletic хабарлады. 

Айта кетейік, «Сити» Гвардиоланың жетекшілігімен 490 матч өткізіп, 360-сында жеңіске жетті. 1239 гол соқты. Және клубтық деңгейдегі барлық турнирде жеңіске жетті.