Черчесов ұлттық құрамадағы болашағы жөнінде мәлімдеме жасады
Бұл туралы ресейлік маман "Матч ТВ" эфирінде айтты.
Ресейлік бапкер Станислав Черчесов Қазақстан құрамасын ары қарай жаттықтыра беруге қатысты ойын айтты.
- Жұмысыңызды ары қарай жалғастырғыңыз келе ме? Егер қызметіңізден қуылсаңыз, реніш болмай ма?
- Күте тұрайықшы. Жаңа басшы келеді. Сол кезде бетпе-бет отырып сөйлесеміз, ары қарай не боларын көреміз. Ал футболшылармен ешқандай проблема жоқ. Кейде киім ауыстыру бөлмесінде тиісетінім болмаса. Бірақ ол жұмыс, - деді Черчесов "Матч ТВ" эфирінде.
Естеріңізге сала кетейік, ҚФФ президенті болған Әділет Барменқұлов жақында өз еркімен қызметінен кеткен еді. Черчесовты ұлттық құрамаға шақырған сол кісі болатын.
Айта кетейік, Станислав Черчесов баптайтын Қазақстан құрамасы Ұлттар лигасында 5 рет жеңіліп, бірде-бір гол соға алмады.