Магомед Адиев футболдан Қазақстан құрамасына оралуға қатысты мәлімдеме жасады
27.12.2024, 08:13
Қазақстан құрамасының экс-бас бапкері Магомед Адиев "Спорт Экспресс" басылымына сұхбат берді.
rsport.ria.ru
ҚФФ-ға жаңа басшы келгелі Станислав Черчесовтың отставкасы туралы БАҚ-та жиі жазыла бастады. Ресейлік маман кетсе, Адиев өзінің оралуы жайында мынадай пікір білдірді.
"Менімен ешкім байланысқан жоқ. Федерацияда жаңа басшылық жұмыс істеп жатыр. Олардың қазіргі басты міндеті – ұйымдастыру мәселесі. Есесіне командада келісімшарты бар бас бапкер жұмыс істеп жатыр. Ол кетпей жатып басқа мамандармен келіссөздер жүргізу дұрыс болмас еді", – деді Адиев.
Қазақстан футбол федерациясы 24 желтоқсанда Черчесовтың қызметінен кетуі туралы ақпаратты жоққа шығарды.