Ислам Чесноков – өткен маусымның үздік ойыншысы

"Тобыл" командасы мен ұлттық құраманың ойыншысы Ислам Чесноков аяқталған маусымда Тимур Сегізбаев атындағы жүлдеге ие болды. 

Үздік ойыншыны турнирге қатысқан клубтардың капитаны мен бапкерлері дауыс беру арқылы анықтады.

25 жастағы жартылай қорғаушы осы маусымда 10 гол соғып, 2 нәтижелі пас берді. Ол 75 сәтті дриблинг жасап, 8 кілттік пас (хG - 7.06) шығарды. Ислам осы маусымда үш мәрте айдың үздік ойыншысы ретінде танылды.

Осылайша маусымның барлық үздігі анықталды:

▪️Үздік ойыншы – Ислам Чесноков;
▪️Үздік бапкер – Григорий Бабаян;
▪️Үздік жас ойыншы – Әділбек Жұмаханов;
▪️Үздік қақпашы – Стас Покатилов;
▪️Үздік қорғаушы – Ян Вороговский;
▪️Үздік жартылай қорғаушы – Гиорги Зария;
▪️Үздік шабуылшы – Жоао Пауло.