Футболдан Португалия чемпионатының 16-турындағы лиссабондық дербиде "Спортинг" "Бенфикадан" басым түсті.
Ойын 1:0 есебімен аяқталды. Жалғыз гол 29-шы минутта соғылды. Оның авторы — Джени Катамо.
Бұл матчта әйгілі Криштиану Роналдудың рекорды құлады. Португалиялық осы күнге дейін "Бенфикаға" қарсы лиссабондық дербиде "Спортинг" сапында алаңға шыққан ең жас ойыншы боп келген. Ол аталған рекордты 2002 жылы орнатқан. Сол кезде Криштиану 17 жас 10 ай және 2 күнде еді.
Ал бүгінгі ойында "Спортингтің" негізгі құрамында жартылай қорғаушы Джовани Кенда шықты. Ол — 17 жас және 8 айда. Осылайша Кенда Роналдудың рекордын жаңартты.