"Ювентустың" бұрынғы ойыншысы "Ақтөбеден" кетті
06.01.2025, 18:25
29 жастағы эквадорлық жартылай қорғаушы Хосе Севальостың "Ақтөбемен" еңбек келісімі аяқталды.
offside.kz
Хосе Энрике Севальос "ЛДУ Кито" ФК түлегі саналады. Ол командамен бірге Эквадор чемпионы болған. Ал 2013 жылы туриндік "Ювентуске" ауысты.
Кейін 2018 жылы ЛДУ клубына қайта оралып, бельгиялық "Локеренде" өнер көрсетті.
Севальос португалиялық "Портимоненсе" және эквадорлық "Эмелек" командаларында да ойнады. 17 және 20 жасқа дейінгі өз ұлттық құрамасы мен Эквадор құрамасының намысын қорғады.
Өткен маусымда "Ақтөбе" үшін 26 матч өткізді. Төрт нәтижелі соққы жасап, 1 ассистпен ерекшеленді.