Португалия құрамасы жаңа формасын таныстырды (ВИДЕО)
08.01.2025, 10:32
Жаңа жейдені Puma компаниясы тіккен.
heraldnews.com
Португалия құрамасы жаңа формасын таныстырды. Оны Puma компаниясы тігіп берген. Осылайша, аталған елдің футбол федерациясы америкалық компания Nike-пен серіктестікті аяқтап отыр. Ұйым Nike-қа арнайы бейнежазба дайындап, алғысын білдірді.
Соңғы 27 жыл бойы Криштиану ойнайтын команданың спорттық киім үлгісін дәл осы Nike дайындап келген еді.
Енді бұл қызметті Puma жалғастырады. Жаңа демеуші саналатын неміс компаниясының спорттық киім үлгісіне арналған роликке Роналдудан бастап, әйелдер командасының мүшелеріне дейін қатысқан.