"Қазақтар тым жалқау". Ресейлік футболшы Қазақстан құрамасын айыптады

Белгілі ресейлік экс-футболшы Владимир Быстров та Станислав Черчесовтың бас бапкер қызметінен кетуіне байланысты өз ойымен бөлісті. Бұл туралы championat.com сайты жазды.

"Қазақстан Черчесовтың командасы емес сияқты. Менің ойымша, қазақтар тым жалқау. Олар Черчесовтың тәртібіне бейімделе алмады. Норвегиямен бір ұпай алды. Холландты тоқтатып, бастары айналып футболдың не екенін ұмытып кетті", — деді Быстров.

Естке сала кетсек, Черчесовтың жетекшілігімен Қазақстан құрамасы алты матч өткізді (бес жеңіліс және бір тең ойын). Ресейлік маман бұған дейін Ресей құрамасын, сонымен қатар бірқатар ресейлік және шетелдік клубтарды жаттықтырған.