Неймар 6 айға "Сантосқа" ауысты
29.01.2025, 08:05
Содан кейін шабуылшы Еуропаға қайта аттанбақ.
pressball.by
32 жастағы жұлдызды бразилиялық шабуылшы Неймар туған клубы "Сантосқа" оралды.
Саудиялық "Әл-Хилал" мен футболшы арасындағы келісімшарт тараптардың өзара келісімімен бұзылды.
Танымал журналист Фабрицио Романоның ақпары бойынша, Неймардың "Сантоспен" келісімшарты небәрі 6 айға ғана жасалған. Неймар содан кейін Еуропаға оралып, әлем чемпионатына дайындалғысы келеді.
Айта кетейік, Неймардың "Әл-Хилалмен" келісімшарты 2025 жылдың жазына дейін есептелген болатын. Бразилиялық ойыншы саудиялық клубқа 2023 жылы франциялық ПСЖ клубынан ауысқан еді. Содан бері Неймар араб командасы үшін 7 матч (493 минут) ойнап, 1 гол соқты. 3 нәтижелі пас берді.