Қазақстан құрамасы FIFA рейтингінде құлдырады
Халықаралық футбол федерациясы (FIFA) ұлттық құрамалардың жаңартылған рейтингін жариялады.
Қазақстан құрамасы үш позицияға төмендеп, 110-орыннан 113-орынға сырғыды. Қазір команда 1177.66 рейтингтік ұпайға ие.
Бұл рейтингтік құлдырау – әлем чемпионатына іріктеу кезеңіндегі тұрақсыз нәтижелердің тікелей салдары.
Қазақстан құрамасы үшін соңғы ойындар жаңа бас бапкер Әли Әлиев үшін алғашқы ресми сынақтар болды. Команда Уэльске 3:1 есебімен жеңіліп, кейін Лихтенштейнді 2:0 есебімен айқын басымдықпен жеңді.
Бірақ бұған дейінгі кезеңде құраманы басқарған Станислав Черчесовтың тұсында алты матчтың бесеуінде жеңіліп, біреуінде тең түсіп, бірде-бір гол соға алмаған команда үшін бұл нәтиже рейтингке айтарлықтай әсер етті.
Қазақстан құрамасы келесі ойынын 2026 жылғы Әлем чемпионатының іріктеу кезеңі аясында 9 маусым күні өткізеді. Қарсылас – Солтүстік Македония.