"Алтын доп" па, Чемпиондар Лигасы ма? Мбаппе күтпеген таңдау жасады
Француз шабуылшысы Ла Лиганың ағымдағы маусымында 28 матчта 22 голдың авторы атанды.
Футбол әлемінің жарқын жұлдыздарының бірі, мадридтік «Реалдың» шабуылшысы Килиан Мбаппе мәлімдеме жасады. Ол үшін жеке жетістік емес, командалық жеңіс маңыздырақ екен.
"Алтын доп" па, әлде Чемпиондар лигасы ма?
“Чемпиондар лигасын әлемнің ең үздік клубымен бірге ұту — бұл ең ұлы жетістік. Бұл жеңіс арқылы сен тарихта қаласың. Ал «Алтын доп» — бұл жеке марапат қана. Мен Чемпиондар лигасын таңдаймын”, — деп жауап берді Мбаппе Madrid Zone басылымына берген сұхбатында.
Келесі қарсылас – "Арсенал"
Естеріңізге сала кетейік, 8 сәуір күні «Реал» Чемпиондар лигасының 1/4 финалындағы алғашқы ойында сырт алаңда лондондық «Арсеналмен» кездеседі. Бұл жұптың жеңімпазы жартылай финалда ПСЖ мен «Астон Вилла» арасындағы қарсыласқа тап болады.
Мбаппенің маусымдағы статистикасы
Испания чемпионаты — Ла Лига аясында Килиан Мбаппе 28 матчқа қатысып, 22 гол соқты және 3 нәтижелі пас берді.