Магнитогорсктегі матч «Барысқа» ауыр сабақ болды

Кеңес Нұрдаулет

Сарапшы, спорт журналисі

29.11.2025, 19:10

«Барыс» Құрлықтық хоккей лигасының (ҚХЛ) көшбасшысы магнитогорскілік «Металлургке» қонақта жол берді.

hcbarys.kz

Кездесу басталар алдында «Барыс» Шығыс конференциясында 10-орында тұрған. «Металлург» ҚХЛ тұрақты маусымының көшін бастап келе жатқан команда болды.

Қарсыластың деңгейіне қарамастан астаналық клуб ойынды өте белсенді бастады. 17-секундта Тайс Томпсон есепті ашып, қонақтарды алға шығарды. Алайда бұдан кейін алаң иелері басымдықты біртіндеп өз қолына алды.

Бірінші кезеңнің соңына дейін «Металлург» есепті теңестірді. Екінші жиырмаминуттықта Андрей Шутовтың қақпасына үш шайба кірді. Үшінші кезеңде командалар бір-бірден гол соғып, матч 5:2 есебімен аяқталды.

«Металлург» (Магнитогорск) — «Барыс» (Астана) — 5:2 (1:1, 3:0, 1:1)

Шайбалар:

0:1 — 00:17 — Томпсон (Логвин, Уиллман), тең құрамда

1:1 — 04:18 — Петунин (Пресс, Михайлис), көпшілікте

2:1 — 24:10 — Канцеров (Силантьев, Набоков), тең құрамда

3:1 — 37:43 — Силантьев (Ткачёв, Паливко), тең құрамда

4:1 — 38:23 — Канцеров (Силантьев, Ткачёв), тең құрамда

4:2 — 48:50 — Мұхаметов (Савицкий), тең құрамда

5:2 — 50:26 — Орехов (Толчинский, Коробкин), тең құрамда

1 желтоқсан күні «Барыс» Новосибирскіде жергілікті «Сибирь» командасымен кездеседі.

Серіктес жаңалықтары

Алдыңғы жаңалық

«Барыс» екі рет алға шыққанымен Уфада ірі есеппен ұтылды

Магнитогорсктегі матч «Барысқа» ауыр сабақ болды

Серіктес жаңалықтары

Теги:

Алдыңғы жаңалық