Ел біріншілігінің желтоқсандағы үздіктері анықталды

Pro Hokei Ligasy Қазақстан чемпионатындағы желтоқсан айының қорытындысын жариялады. Үздік қақпашы — Даниил Кадочников («Сарыарқа»). Қарағандылық клубта ойнайтын спортшы желтоқсан айында тамаша ойын өрнегін көрсетті.

• 6 матч — 6 жеңіс
• Мұз айдынында 361 минуттан астам уақыт
• Орта есеппен бір шайбадан ғана жіберді
• Екі матчта қақпасын «құрғақ» сақтады
• Шайбаларды қайтару пайызы — 96,77%

Оның сенімді ойыны «Сарыарқаның» тұрақты чемпионаттағы жүлде үшін күресуіне мүмкіндік беріп отыр.

Үздік қорғаушы — Арсений Борисов («Арлан»)

Арсений Борисов желтоқсан айында тек қорғаныста ғана емес, шабуылда да белсенділік танытты.

• 7 матчта — 9 ұпай (1 гол + 8 пас)
• Пайдалы әрекет көрсеткіші — +5
• Қарсылас қақпасына 20 дәл соққы жасады

Үздік шабуылшы — Дмитрий Гренц («Торпедо»)

Дмитрий Гренц ай бойы тұрақты нәтиже көрсетіп, команданың негізгі бомбардирлерінің біріне айналды.

• 8 матчтың 6-ында ұпай жинады
• 5 гол, 8 нәтижелі пас
• Пайдалы әрекет көрсеткіші — +11

Қазіргі таңда Гренц бүкіл чемпионаттың үздік үш сұрмергенінің қатарында.

Үздік жас ойыншы — Артур Глухих («Торпедо»)

18 жастағы шабуылшы Артур Глухих негізгі құрамдағы орнын біртіндеп нығайтып келеді.

• 5 матчта — 5 ұпай (2+3)
• Пайдалы әрекет көрсеткіші — +3
• Қақпаға бағытталған 12 соққы