19 жастағы қазақстандық хоккейші Канадада өнер көрсетеді
Қазақстан жастар құрамасының ойыншысы Никита Ситников BCHL (Британиялық Колумбия хоккей лигасы) лигасындағы "Коквитлам Экспресс" клубымен келісімшартқа отырды.
"Коквитлам Экспресс" бас менеджері Тали Кэмпбелл бұл келісімге қатысты мынадай пікір білдірді.
"Никита Ситников - епті, шапшаң және ақылды шабуылшы. Оның осындай мықты қасиеттері біздің лигада айқын көрініс табатыны сөзсіз. Жанкүйерлерге де шабуылшының ойын өрнегі қызық болады деген ойдамын. Оның әлеуеті жоғары. Никита Ситников Ковитламға келесі аптада келеді, - деп жазады Кэмпбеллді Шайба.kz.
Биылғы маусымды 19 жастағы шабуылшы "Снежные Барсы" құрамында бастап, тұрақты чемпионатта 27 матч өткізді. Жалпы 11 (5+6) ұпай иемденді.
Ситников Қазақстан жастар құрамасы қатарында әлем чемпионатында бес матчта өз атына 2 (1+1) ұпай жазды.