Қазақстандық хоккейшілердің Универсиададағы матчы күтпеген нәтижемен аяқталды
18.01.2025, 09:45
Қазақстан ерлер құрамасы Туриндегі ойындарда Чехиямен сынға түсті.
icehockey.kz
Бұл кездесуде Қазақстан айқын фаворит саналған. Дегенмен қарсыласына 1:3 есебімен жол беріп қойды. 18-ші минутта Әділ Бейсембаев командасын алға шығарды. Кейін чехиялықтар біздің қақпаға қатарынан үш шайба енгізді.
Осылайша қазақстандықтар турнирде екінші рет жеңіліс тапты. Бұның алдында студенттерден жасақталған құрама Канадаға буллиттер сериясында ұтылған.
Қазақстан А тобында жеті ұпай еншілеп, үшінші орынға ие болды. Ширек финалда бізге Словакия қарсылас болады. Матч 19 қаңтарда өтеді.